أول سيدة تعمل حدادة بالمنصورة

نظرا لظروف الحياة الصعبة تلجأ بعض النساء لامتهان مهن تقتصر علي الرجال فقط ومن بينهن بوسي البالغة من العمر ٣٠ سنة ، أول سيدة تعمل بمهنة الحدادة في المنصورة.

بوسي سعد من منطقة سوق الحدادين بمدينة المنصورة عملت بالحدادة ، منذ أن كانت في السابعة من العمر مع والدها الذي كان يطلق عليه “أبو البنات ” لأن لديه ١١ بنت تزوج منهم ١٠ قبل وفاته في يناير الماضي ، وترك لها حمل كبير شقيقتها الصغري وابنه شقيقها الأكبر المتوفي وديون والدها التي بلغت ٢٥ ألف نظرا لظروف المعيشة وزواج بناته ومرضه .

قالت بوسي ” أنا متجوزة وعندي أربعة ‪أولاد وجوزي شجعني لأنه بيعمل بالحدادة وقريبي وزاد الحمل عليا بعد وفاة والدي ، لكن لابد أن أكون قادرة علي المسئولية التي تركها والدي وأن أنفذ وصيته واستكمل مسيرته.

وعن الصعوبات التي تواجها تقول بوسي “الشغلانة دي صعبة وخطر في نفس الوقت خاصة لما بنشتغل على الصاروخ واللحام بس ربنا يسترها لأن أنا ماشية مع ربنا .

وأضافت بوسي”أنا بشتغل وبلاقي تشجيع من بعض الناس وناس تانية بتستغرب إزاي سيدة تعمل حدادة، بس أنا مش بركز مع حد غير مع شغلي “.

وعن حلمها تقول “بوسي” “بحلم إن ربنا يكرمني وأجوز أختي وبنت أخويا ونفسي أعمل عمرة وحلمت إني طلعت عمرة ومتأكدة إن ربنا بيحبني ، وبتمني أولادي يكملوا دراستهم ويكونوا حاجة كويسة في المجتمع”.