هل قتل محمود نظمى السيد، والد طفلي ميت سلسيل محمد وريان أبناءه، أم تم إجبارة على الاعتراف لاخفاء جريمة كبرى آخرى؟
فمنذ قليل تظاهر العشرات من أهالي ميت سلسيل قاطعين الطريق في ميدان المحطة رافضيين رواية الداخلية ومطالبين بكشف الحقيقة.
وقال ” عادل . م . ر” الشباب الغاضبين .. التحليل للفيديو الأخير لـ ابو ريان و محمد، بيبين أنه كداب و مرعوب، أولا حركة العين اللي كل ما يسأله سؤال يبص في اي اتجاه غير اتجاه الشخص اللي بيحقق معاه ، ثانيا اللامبالاة اللي بيتكلم بيها (لو كان هو فعلا اللي قتل ولاده كان انهار من العياط) لو كان التحقيق ماشي في مسار طبيعي لكن للاسف هو مش ماشي في مسار طبيعي ابدا
وأكمل.. هو حتى مانهارش لأنه مش هو اللي قتل ولاده …. ولأنه من كتر التركيز فالكلام اللي بيقوله عشان مايغلطش لأنه بيكدب مخليه فاقد التفاعل والاحساس الطبيعي.
وأردف قائلاً .. اللي بيحقق معاه بيقوله انت بتعرف ستات ؟ رد قال اه بس بطلت الكلام دة من فترة لان كان في مشاكل بيني وبين مراتي وبطلت كل حاجه … بيقوله بتشرب ايه.. قاله حشيش .. قاله وايه كمان !! ( مقالوش حشيش بس ؟) ودة يدل علي أنه بيفكره بالحوار اللي مظبطينه .. قاله وبانجو .. اتسأل والعقاقير؟ .. رد لا مفيش اي عقاقير خالص فتقريبا اللي بيسأل بصله راح رجع قال اه يوم الحادثه شربت ترامادول !!!( و طبيا معروف أن الترامادول يبقي ادمان بعد فترة طويله من تعاطيه وبكميات كبيرة مش من اول قرص يروح يرمي ولاده فالمياه !!!)
وتسائل عادل قائلاً .. والد الطفلين شخص مبسوط ماديا و عنده أراضي و عربية ماتركس هيقتل عياله علشان مصدر ازعاج !! ازاي و هو جايبلهم هدوم عيد و ألعاب و موديهم ملاهي ومتصور معاهم سيلفي بعدها يقتلهم ليه!! مؤكدا أن الفيديو مليئ بالثغرات .
فيما استنكر ” محمد . إ”.. رواية الداخلية قائلاً .. هل هناك أب يقتل أولاده نعم بكل تأكيد.. وذلك يحدث للاسف وجرائم بشعة بعيدة كل البعد عن الدين والانسانية .
ثانيا .. كل ما حدث من اعترافات في البداية هي الحقيقة الكاملة . أما أن محمود والد الطفلين كان يقرأ كتب جن وهي السبب انه يقتل اولاده “بلح طبعاااا” . أو أن محمود مدمن مخدرات أو استروكس فذلك عبط وسذاجة فلا يمكن لمتعاطي المخدرات ترتيب الجريمة كما حدثت لانها حدثت بشكل عبقري واعي وبمنتهي الانعدام من الانسانية
ثالثا . محمود ليس الاب الذي يقتله اطفاله لأي سبب فهو بشوش يعشق اولاده بدلائل كثيرة علي ذلك
رابعا.. مافيا تجارة الاثار ليسوا اشخاص عاديين أو طبيعين بل أصحاب سلطة ونفوذ ودولة مستقلة أعلي من الدولة والقانون ولن تخرج قطعة أثار من مصر الا بمعرفتهم
خامسا .. اي شخص في موقف محمود وتم تهديده بإسلوب هؤلاء الخونه لا يمكن يقول اي شئ سوي ما يريدونه
الخلاصة . وبالدلائل
محمود لم يقتل اولاده ولكنه يخاف علي باقي عائلته ان ذكر أسماء تهتز لها جميع اركان الدولة فهو كدا كدا ميت لانه سينتحر بفعل فاعل
جريمة الدولة لن تنتهي وستستمر يوميا ، وعاوز اقول حاجة للي ها يقول التحريات والتحقيقات والنيابة والقضاء ها قوله حسبي الله وكفى.