29/03/2024

أسهل وصفة كباب حلة على الطريقة المصرية

يتميز كباب الحلة بإمكانية تحضيره بسهولة أكبر داخل المنزل، ولهذا نقدم لكِ طريقة عمل كباب الحلة الشهى.

المقادير

2 x عدد بصلة
2 x عدد فص ثوم
2 x كوب ماء
1 x عدد فلفل أخضر حلو
1 x معلقة صغيرة ملح (أو حسب الرغبة)
1 x معلقة كبيرة بهارات لحمة
1 x كيلو لحمة ضانى
1 x معلقة كبيرة سمن
½ x معلقة صغيرة فلفل اسود مطحون (أو حسب الرغبة)

الخطوات
نقطع اللحمة لقطع صغيرة و تترك جانبا.
هنقطع البصل والفلفل الرومى لقطع صغيرة و تترك جانبا.
فى حلة هنسيح معلقة سمن ونضيف البصل ونقلب حتى يتحول للون الذهبى.
نضيف الثوم المفروم والفلفل الرومى ونقلب كويس.
نضيف قطع اللحمة على مراحل (من قطعتين لثلاث قطع بالمرة) ونقلب بعد كل مرحلة حتى يتغير لون اللحمة.
نضيف بهارات اللحمة ونقلب كويس.
نضيف الفلفل الأسود ونقلب حتى يتغير لون اللحمة للبنى الغامق.
نضيف نصف كوب ماء ونقلب كويس.
نستمر فى تقليب اللحمة حتى يتغير لونها للبنى الفاتح.
نغطى الحلة وتترك على نار هادية وهنضيف نصف كوب ماء كل نصف ساعة ولمدة ساعة ونصف الى ساعتين حتى ينضج اللحم.
قبل ما نرفع اللحمة من على النار هنضيف الملح ونقلب كويس.
ترفع من على النار وتقدم مع الرز وبالهنا والشفا.

تصنيفات